कैलालीमा मलामी जादै गरेको ट्याक्टर दुर्घटना, तीन जनाको मृत्यु, ११ जना घाईते

---

नवराज खनाल
०२ कार्तिक, लम्की (कैलाली)ः कैलालीमा मलामी जादै गरेको ट्याक्टर दुर्घटनामा परी तीन जनाको मृत्यु भएको छ । ११ जना घाईते भएका छन । दुर्घटनामा परी मृत्यु हुनेमा जिल्लाको बर्दगोरिया गाउँपालिका ४ का ३५ बर्षीय हर्क साँउद, १६ बर्षीय शितल साँउद र सोही ठाउँका ६४ बर्षीय दानबहादुर साँउद रहेका छन । यस्तै दुर्घटनामा परी घाइते हुनेमा बर्दगोरिया गाउँपालिका २४ बर्षीय तपेन्द्र बोहोरा, १५ बर्षीय रवि साउँद, १६ बर्षीय रोविन साउँद, ५० बर्षीय भिम बहादुर रोकाया, ४५ बषीय रुपलाल न्यौपाने, १६ बषीय रोहित साउँद, ७५ बषीय नैन साउँद, १८ बर्षीय आयुष साउँद, १६ बर्षीय आशिष साँउद, ४५ बर्षीय सिगे साँउद र १४ बर्षीय रविन साँउद रहेका इलाका प्रहरी कार्यालय लम्कीका प्रमुख प्रहरी निरिक्षक लोकेन्द्र बहादुर सिंहले जानकारी दिनु भएको छ ।
प्रहरीका अनुसार बर्दगोरिया गाउँपालिका ४ चमेलीपुरका ७४ बर्षीय हर्क साउँदको मलामी बोकी लम्कीचुहा ३ चिसापानी स्थीत कर्णाली नदीमा जादै गरेको सु.प.प्र ०१००२ त ४९९१ नम्बरको ट्याक्टर लम्कीको धोबेनी खोला नजीक दुर्घटना भएको हो । दुर्घटनामा घाईते भएकाहरुको लम्की स्थीत लालरत्न अस्पतालमा उपचार भइरहेको छ । दुर्घटनामा मृत्यु भएकाको सव समेत लालरत्न अस्पतालमा रहेको र पोर्टमार्टमका लागि टीकापुर अस्पतालमा लिने तयारी भइरहेको प्रहरीले जनाएको छ ।