दलितसँग राज्यमाफी– बालेनले विश्वबाट पाठ सिके, परीक्षा बाँकी

---

काठमाडौं । कुनै पनि राज्यको इतिहास गौरव र वीरताका गाथाले मात्र बनेको हुँदैन, चरम विभेद, अन्याय र सीमान्तकृत समुदायको रगत, पसिना र आँसुले पनि सिञ्चित हुन्छ। किनकि सयौँ वर्षदेखि गडेर बसेको जातीय विभेद र बहिष्करणको इतिहासलाई सत्ताले सामान्यीकरण गर्दै आइरहेको हुन्छ।

तर, जब राज्यले उत्पीडनकारी विगतलाई स्विकारेर प्रायश्चित्त गर्छ, तब मात्र बलियो र एकीकृत समाज निर्माणको ढोका खुल्छ। विश्व इतिहासमा यस्ता थुप्रै उदाहरण छन्, जहाँ राज्यले आफ्नै नागरिकसँग घुँडा टेकेर माफी मागेको छ र ऐतिहासिक मेलमिलापको जग बसालेको छ।